Ukrayina ve ABD prezidentleri Volodımır Zelenskıy ve Donald Tramp oraq ayınıñ 4-nde telefondan laf ettiler.
"Bugün biz vaziyet aqqında laf ettik: Rusiyeniñ ava darbeleri ve cebedeki vaziyet aqqında. Prezident Tramp pek yahşı haberdar, Ukrayinağa diqqat ayırğanıñız içün sağ oluñız. Ava mudafaasınıñ imkânlarını muzakere ettik ve kökniñ qoruvını arttırmaq içün çalışmağa añlaştıq. Taqımlarımıznıñ qarşı körüşüvi aqqında añlaştıq", — dep yazdı Zelenskıy telegramda.
Zelenskıynıñ aytqanına köre, o, Tramp ile mudafaa saasında ABD ile ortaq istisal, ticaret ve yatırım imkânlarını muzakere etti.
Axios jurnalisti Barak Ravid, öz menbasına atıf etip, liderlerniñ subeti tahminen 40 daqqa devam etti, dep bildirdi.
Bir kün evelsi Tramp Rusiye lideri Vladimir Putinnen telefondan laf etti, amma, onıñ aytqanına köre, muzakereler neticesiz oldı ve o, Ukrayinadaki vaziyetten "memnün degil".
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.